Ajuda:FAQ

De Çciclopédia
Saltar pa: nabegaçon, percura

L que ye FAQ?[eiditar]

Quando bárias pessonas te preguntan mais de 8000 bezes la mesma pregunta, l procedimiento padron ye bocé quedar furioso i berrar xingamientos pa la mai de l'oitaba milésima pessona a preguntar. Para eibitar até mesmo delores de gorja ó quedar preso ne l PC ambiando la mesma repuosta puls correios eiletrónico cun Ctrl-C + Ctrl-B, alguien tubo la brilhante eideia d'ambentar l FAQ. Anton naide mais percisa se preocupar an repetir las dúbedas mais básicas, mandando l cara simplesmente lher las repuostas pa las asneiras qu'el pregunta todo ne l bendito de l FAQ! Assi eilhes pegan las preguntas mais frequentes i lhistan drento desse FAQ, i ende l FAQ se torna ua çculpa purfeita para eibitar respunder pessonalmente cada pregunta, i assi nun çperdiçamos l nuosso tiempo.

I porque ténen esse nome?[eiditar]

FAQ ye ua sigla anglesa de Fucking La Question.

Esse FAQ ye subre la Çciclopédia?[eiditar]

Claro que si! Mas, se este FAQ nun tirar las sues dúbedas, nós tenemos un outro mui mais decente qu'este. Ye solo bocé ir na páigina percipal i ancontrar l lhink ne l topo de la páigina, adonde stá scrito "Preguntas", ó simplesmente clicar eiqui.

I se a mie dúbeda nun stubir ne l FAQ?[eiditar]

Bocé bai tener que cuntar cula buona buntade de la pessona que puode respunder la sue dúbeda, mas eilha probabelmente bai por na lhixeira qualquiera correio eiletrónico que bocé mande para eilha.

Quantas preguntas ten un FAQ?[eiditar]

Na berdade deberie tener solo uas dues ó trés, mas solo para fazer de cunta que stan mui preacupados culas sues dúbedas questuman poner uas 50, quando na berdade ye para fazer las pessonas mais cabeças ocas antendíren. Cumo nun stamos preacupados culas sues dúbedas, essa FAQ cierta mente nun passará de 10.

Li la repuosta de a mie dúbeda ne l FAQ i nun antendi. L que debo fazer?[eiditar]

Buono, ende bocé ten que pedir l'ajuda d'alguien mais capacitado anteletualmente para decifrar la repuosta, mas ye bien quemun que ls FAQs téngan splicaçones mal feitas.

Nun achei esse artigo angraçado. Aonde debo reclamar?[eiditar]

Anfelizmente somos mui burocráticos, i para altararmos l cuntenido dessa páigina lhieba queston de sumanas (bocé sabe: acertar la papelada, cuchara assinaturas, essas cousas). Se quejir ansistir bocé puode mos cuntatar pul telifone de cuntato.

Qual ye l telifone de cuntato de bós?[eiditar]

4232-3187 (Atendemos solo nas purmeira-feiras).

L telifone de bós nun stá funcionando.[eiditar]

Bocé por acauso lheu que nós SÓ antendemos na purmeira-feira?

Por qué esse artigo stá an formato de FAQ?[eiditar]

Nada melhor que fazer un FAQ para splicar l que ye FAQ!

L qu'essa eimaige al lhado ten haber cul FAQ?[eiditar]

Ye que nuossos atendentes quedan ne l'orelhon cun fantasia de Home-Aranhon, alías se ber un deilhes na rue, nun atrapalhe pus stan an atendimiento.

Bós nun tenien prometido qu'esse FAQ solo tenerie dieç preguntas?[eiditar]

Cumo afirmamos antes, ye necessairo poner mais preguntas para sclarecer todos, i quanto mais preguntas ne l FAQ, menos preguntas einúteles teremos que respunder pul telifone i pul correio eiletrónico.

Mas you nin sei qual ye l correio eiletrónico de bós! Qual ye?[eiditar]

Inda bien que bocé nun sabe, pus stamos mui acupados atendendo ls que saben, i para eibitar mais porblemas nin colocamos eiqui.

Este FAQ stá me deixando mais cunfuso de l que sclarecendo![eiditar]

Pus essa ye la nuossa antençon! I yá stou cansado de criar FAQ, bolto mais tarde para treminar, ó nó.