Bandeira de l Reino Ounido

De Çciclopédia
Saltar pa: nabegaçon, percura
Cumo se fizo la Bandeira de l Reino Ounido.

La bandeira de l Reino Ounido, coincida cumo Union Jack, ye cumpuosta por trés bandeiras de santos que repersentan trés países: San Jorge (Anglaterra), Santo André (Scócia) i San Patrício (Eirlanda).

Stória[eiditar]

An setembre de 2014, ls scoceses fúrun a las urnas decidir se la Scócia bai se apartar de l Reino Ounido i se tornar un paíç andependiente. Se esso acuntecisse, un de ls simblos mais amportantes pa ls británicos puode star amenaçado. Tecnicamente, la Scócia se tornarie andependiente de l Reino Ounido, mas cuntinarie sob la corona de la dinastie británica. Cumo Canadá i Oustrália, l xefe de Stado serie formalmente la monarca anglés, anque deilha nun mandar an nada. Cun esso, muita giente defende que la bandeira nun seia retirada de la Union Jack.

Cula salida de la Scócia, la soluçon aparentemente mais simples serie retirar l'azul i las faixas cruzadas brancas. Inda assi, la queston política ye mais perfunda yá que ls galeses nun aceitan bien l fato de l Paíç de Gales nó star repersentado na bandeira de l Reino Ounido. Para antegrá-los, serie perciso ancluir la bandeira de San David ó la de l paíç, mui ambora la sujeston nun seia mui bien aceita pul resto de las Ilhas Británicas.