Dius

De Çciclopédia
Saltar pa: nabegaçon, percura

Dius ye l Senhor de ls Cielos i Dius Supremo de la Mitologie Griega. Filho mais nuobo de Cronos, Rei de ls Titanas, de ls Paralamas i até mesmo de l Yaho ("Buolta pra casa, you perciso te ber") i Reia, nacido ne l Monte Ida, Ilha de Creta. Coincido pul nome Romano de Júpiter, tenie cumo armanos Poseidon, Hades, Deméter, Héstia, Heibe i Hera de quien era tamben marido, i pai de dibersos diuses, cumo Atena, Ártemis i Apolo, i semi-diuses, cumo Hércules.

Storia

Dius siempre fui cunsidrado un dius de l tiempo, cun centeilhas, trobones, chubas i tempestades atribuídas a el. Mais tarde, el fui associado a la justícia i a la lhei. Habie muitas státuas arguidas an honra de Dius, sendo que la mais magnífica era la colossal státua de Dius an Oulímpia, ua de las siete marabilhas de l mundo antigo. Ouriginalmente, ls jogos oulímpicos éran rialidados an sue honra.

Segundo l mito, durante mui tiempo quien gobiernou la Tierra fui l tirano Urano (l Cielo). Até que fui deposto por Cronos, sou filho. Anton Urano profetizou que Cronos, tamien serie çtronado por sou própio filho. Mas nós nun lhiebamos esso á sério.

Cronos, temendo la maldiçon, passou a deborar bibos ls própios filhos, lhougo qu'estes nacian, eiquenomizando ua grana ne l'açougue. Bários bebés tubírun esse çtino. Sue mulhier Reia, mas, nào podie deixar d'amar sous filhos. Assi, passado dar la luç a un nino, Reia anganhou l marido, dando un potro la Cronos. Este ansioso por se proteger de la profecie, deborou l potro sin perceber l'ambuste. Alguns poetas, de forma defrente, diden que Cronos angoliu un saco (colsa scrotal) de piedras. Reia lhebou l filho salbo para un lhocal siguro, dando-le l nome de Dius (Tesouro que reluç).

Guerra de Titanas

L garoto creciu, i sabendo de las barbaridades de l pai, reboltou-se contra el, decidindo bingar ls armanos muortos. Cunheciu anton sous armanos, salbos de la mesma forma qu'el. Dius i sous armanos anton reboltórun-se contra Cronos i ls Titanas, ampeçando culs ua guerra contra Cronos.

Segue-se ua terrible batailha i la profecie se cumpre: Cronos ye deposto pul própio filho i ls titanas, assi cumo ls paralamas i até mesmo l Yaho ("Buolta pra casa, you perciso te ber") son banidos pa l Tártaro, inda mais ambaixo ne l mundo anferior. Quaije an Porto. Alguns outores afirman que Dius puode tener retirado ls armanos de la barriga de l pai, fazendo cun qu'este bomitasse. Mas nós nun gustamos desses outores.

Depuis de la rebolta Dius debediu ls reinos cun sous armanos Posídon i Hades. Dius quedou cul Cielo, Posídon culs Ouceanos i Hades cul Reino de ls Muortos. Usaba cumo arma ls centeilhas i un scudo chamado Égide (feito por sou filho Heifesto). Mas pro grupo Yaho ("Buolta pra casa, you perciso te ber") nun sobrou nada...

Dius, curjidoso para saber l tamanho de sous domínios, solta dues águilas de stremos oupostos de l mundo. Las eimensas abes atrabessan la Tierra i se ancontran ne l bal de Delfos, na costielha Sul de l monte Parnaso. Eilhi fui posta ua piedra chamada "omphalus", simbolidando l'ambelhigo de l mundo.

Filhos

Cun sue mulhier i armana Heira fui pai de Heifesto, dius de l fuogo; Hebe i Aires, dius de la Guerra. Antes de çposar Heira, fui pai de Atena, cun sue purmeira mulhier Métis, i cun sue armana Deméter, tubo Perséfone.

Anque casado cun Heira, Dius tenie einúmaras amantes. Usaba de ls mais defrentes artifícios de seduçon, cumo la metamorfose an qualquiera oubjeto ó criatura biba, sendo dous de ls mais famosos l cisne de Lheda i l touro de Ouropa. Assi sendo, tubo muitos filhos eilegítimos cun diusas i mulhieres mortales, que se tornórun proeminentes na mitologie griega, (Hércules por eisemplo).