Postulado giral de l'antropologie psicológico-social

De Çciclopédia
Saltar pa: nabegaçon, percura

L Postulado giral de l'antropologie psicológico-social ye un axioma zambolbido i dogmatizado pul poeta, scritor, blogueiro, ocultista, mochileiro, çcordiano i sembrador de l ócio reberendo Beraldo, an meados de l'anho de 2013. Bersa subre las relaçones houmanas, defenindo parámetros óbbios, mas antressantes, acerca de las zbenturas por que to ser houmano passa; l postulado ye un de ls mais amportantes jamales publicados na ária de psicologie antropológica.

Stória[eiditar]

La stória de l surgimiento de l Postulado giral de la antropologie psicológico-social diberge antre ls bários storiadores que la studan. Alguns acraditan que l'axioma fui zambolbido nun de ls momientos de ócio de l reberendo Beraldo, cumo ua forma de quantificar ls ancuontros i zamcontros, tan çcutidos puls poetas i scritores. Outra lhieba de storiadores, lhiebando an cunsidraçon un studo minucioso de la bida de l reberendo, afirma bementemente qu'el baseou sou postulado an sues bibéncias. La bison mais aceita, mas, puls académicos cuntemporáneos an giral ye la de que nun amportan las cundiçones stóricas de l surgimiento de l postulado, mas si sue eisisténcia.

L Postulado[eiditar]

De fato, eiqui bemos l'ounion de dous acuntecimientos ruines.

L Postulado giral de l'antropologie psicológico-social diç:

Para cada acuntecimiento cunsidrado buono por aquel que l bibe, cierta mente ls dous outros que l suceden, sendo ó nun deribados diretos ó andiretos de l purmeiro, seran acuntecimientos ruines.

Dibersas cunclusones puoden ser oubtidas; la percipal deilhas ye la Cuncluson de la Dibergéncia antropológica psicológica-social, qu'ouserba dous fatores:

  • L balor que las pessonas atribuen a las cousas ruines que les acuntece;
  • La magnitude de las cousas ruines.

Lhiebando an cunta estes dous fatores, un porblema de l postulado ye resolbido: alguas pessonas nun reconhecen ó nó dan balor a las cousas ruines que les acuntecen, ó inda estas cousas possuen ua amportança rial tan pequeinha que son ansignificantes. Antes de la cuncluson de la Dibergéncia antropológica psicológica-social, ls pensadores de l'axioma acraditában qu'el staba errado pul fato de que, aparentemente, alguas pessonas ten poucos momientos ruines.

Outros inda acraditan qu'esse postulado ye algo mui buono. Ó seia, prepare-se para dous eibentos terribles.

Ber tamien[eiditar]