Santuário de Nuossa Senhora de l Naso

De Çciclopédia
Saltar pa: nabegaçon, percura

L Santuário de Nuossa Senhora de l Naso, na freguesie de Póboa, Miranda de l Douro.

La capielha de Nuossa Senhora de l Naso, a 15 Km de Miranda de l Douro ancontra-se ne l lhugar de la Cruç de las lhombardas, acerca dua strada romana talbeç d'especial antresse cumo funçon melitar i dua lhagona artificial, anserindo-se cumo un de ls mais amportantes i bebidos pulas deboçones qu'antegran ua "rial corona mariana" de l Nordiste Pertués que custituen marabilhosa manifestaçon d'amor i beneraçon pula Mai Santissima de l Senhor Jasus.

L Santuário de l naso antegra la capielha percipal de cierto belume i guapo retábulo de talha barroca custruído a a cerca de dous seclos i ne l sou lhado ouriental acrescida de cinco capielhas menores dedicadas als cinco mistérios de l terço, arguidas ne l segundo decénio de l seclo XX, grácias al boto de l Sr. Álbaro Dies. La Senhora de l Naso ye ambocada cumo la "Reina de ls Mirandeses", que le dirigen muitas preces i cantigas - lhonas.

"...Ah, mie Virge del Naso! Cumo bui nau hai eigual Pur Çamora i Salamanca, I até pur Pertual..."

Las fiestas de Nuossa Senhora de l Naso son ne ls dies 7 i 8 de Setembre.