Modelo:Portal:Miranda de l Douro/Artigo an çtaque

De Çciclopédia
Saltar para a navegação Saltar para a pesquisa
Placa de eidantificaçon de arruamento, an Zenízio, cul nome de la rue an Mirandés i an Pertués.

La lhéngua Mirandesa ye ua lhéngua remanse falada an Pertual, ne ls cunceilhos de Miranda de l Douro (30 aldés) i de Bumioso (3 aldés), ne l çtrito de Bergáncia, nun spácio que ten pouco mais de 500 km² i alredror de 7000 falantes. Ye ua region ancostada a la Spanha, subretodo la porbíncias de Çamora i Salamanca.

La lhéngua mirandesa ten ua fonologie, morfologie i sintaxe çtinta de l Pertués, zde la formaçon de Pertual (seclo 12). Ten las sues raízes ne l Lhatin falado ne l norte de la Península Eibérica (l Pertués zambolbiu-se ne l noroeste). L Mirandés ye un decendente de l antigo lhionés falado ne l norte de la Eibéria, ne l reino de Lhion, i ten alguas aparecenças cun l lhionés i sturiano modernos. Inda assi, estas lhénguas de l território spanhol nun afetórun l Mirandés, que cunserba amportantes defrenças lhenguísticas de l Pertués i de l spanhol. L Mirandés cumparte ua grande bariedade de palabras cun regionalismos de l pertués.