Muralhas romanas de Lhugo

De Çciclopédia
Saltar para a navegação Saltar para a pesquisa
Códice Calixtino.jpg Galiza, terra meiga!
Este artigo ten cousas galhegas! Sou outor puode tener cruzado to l Camino de Santiago,
tocar ua gaita zafinada, comer fruitos de l mar i ten medo de la Santa Cumpanha!

Cuidado! Se tentar falar mudando ção por çom será taxado de reintegrata!!
World Heritage Site logo.png Este artigo ye un património mundial de la houmanidade. Podendo ser ua ruína, ua cidade
ó un matagal abandonado, mas stá protegido! Assi, la lheitura recomendada solo para pessonas cun cultura.
La UNESCO monitora este artigo.
Fexeiro:Lhugo.jpg
Por causa de la muralha, nanhun carro cunsegue antrar drento de Lhugo. Esse ye l motibo de las rues nun tenéren carros.

Las Muralhas romanas de Lhugo son muros que serben para eisolar la cidade de Lhugo de l restante de l'ouniberso i de l'ouniberso amberso. Sendo la única cousa que nun ye çconhecida subre essa cidade, Lhugo i sous muros son praticamente la mesma cousa. L mundo se modernizou, chegou l feturo i las muralhas nun fúrun derrubadas, mesmo que nun eisista mais nanhun risco d'ambason.

Ls habitantes lhocales ansisten an manter las muralhas de pie, cula çculpa l'argumiento de que l muro sirbe para proteger l lhocal dua possible ambason de bandidos de cidades próssimas. Ls moradores quieren ye que Lhugo cuntine sendo un património mundial, pus eilhes áchan qu'esso ye un títalo amportante que muda la bida deilhes para melhor. Claro que stan anganhados, mas eilhes nun quieren oubir esse cunseilho. Einicialmente Lhugo fui fundada por metaleiros celtas para serbir de templo pa l culto al Dius Lhugo.

Stória[eiditar]

Ls romanos tubírun l'anformaçon de que nua region próssima a la cidade chamada Las Médulas, eisesita mui ouro, i cumo barras d'ouro balen mais de l que denheiro cumo pensan ls tramontinos, eilhes percisában spulsar ls celtas i pegar las minas para si. Anton ls romanos atacórun la region, chutórun l traseiro de ls celtas i quedórun culas minas d'ouro. L porblema ye que ls romanos tenien un çtúrbio mental que ls fazie acraditar que qualquiera pessona passando por alhá querie roubar l'ouro deilhes.

L çtúrbio quedou tan fuorte que por causa deilhes ls romanos fazirun ua muralha gigante para afastar quien quejisse roubar las barras d'ouro. Ls romanos nun pensórun qu'alguien soubisse ua técnica para scalar muros, mas muita giente sabie cumo subir muralhas, ambadindo la cidade, roubando to l'ouro i deixando sous habitantes na miséria i sin ouro. Reboltados cun esso, ls romanos abandonórun l lhocal, yá que sin ouro la cidade era cumpletamente inútil. Alguas pessonas nun tenien cartos para se mudáren nin aonde ir, antoce quedórun an Lhugo, mesmo qu'alhá nun tenga muita cousa para fazer. Assi, Lhugo nun quedou cumpletamente abandonada i nó birou ruína.

Assi, las muralhas romanas cuntinan alhá, ampedindo l'acesso de carros la Lhugo. Cumo l muro ye un património mundial, naide puode derrubá-lo para facelitar l'acesso.

Ber tamien[eiditar]